Tien weke van sweet, en die afwagting na die Gala-naweek, het hoogty gevier die afgelope paar weke.
Skrywers en digters moes behoorlik klippe kou of was dit nou woorde rond skoffel om in aanmerking te kon kom vir die naweek se vyfster bederf, en nou bly net herinneringe oor. Nuwe bande was gesmee hande gevat met bekendes, legendes en wenners.
Hartlik dankie aan Louis en Dezzi Liebenberg vir jul opofferings om ander se lewens te verreik. Bande is opnuut versterk en nuwe planne gesmee wat belowe om nog groter te gaan. Die man is net nie bang vir enige uitdaging nie. Dezzi se borrelende geaardheid, en sagte hart het almal aangeraak.
Nicky van Heerden,
Ronelle Kleynhans en hul span se reëlings was perfek. Niks was ontsien om van die geleentheid 'n treffer te maak nie. Jul harde werk en omgee word opreg waardeer.
Elke mede-beoordelaar en Die Waarheid
Media (Dirk, Letitia, Sonja en span), dankie vir nog 'n geslaagde kompetisie en ook
jul harde werk net sodat die digters en skrywers erkenning kan kry en dan
nog heerlik bederf kon word.
Khaya Ibhubesi personeel: jul diens was onverbeterlike, jul vriendelikheid en gasvryheid plus die heerlike etes was die room van die naweek. Alles was professioneel en uit die boonsterakke.
Hoogtepunte was te veel om op te noem maar almal was dit eens, Oom Koos Roets en Eunice Visser het die vyfster in 'n lushof van woord-plesier gemaak. Net
om in hul teenwoordigheid te kon wees was al klaar 'n wenprys. Charl-Pierre Naudé en Fanie de Villiers (Kleinboer), wat 'n voorreg om weer te kon gesels rondom 'n heerlike ete. Jul sterre sal nog verder skyn as net die grense van ons land.
